अन्तर्राष्ट्रिय समाचार

अमेरिकामा कोरोनाले लियो ९१,९८१ को ज्यान, ट्रम्पले पनि कोरोनाको औषधि लिइरहेको खुलासा

काठमाडौं । विश्वभर महामारी बनेको कोरोनाभाइरसले अमेरिकामा अहिलेसम्म झण्डै ९२ हजारको ज्यान लिएको छ । संक्रमितहरुको संख्या पनि १५ लाख ५० हजार पार गरेको छ । निको हुनेहरुको संख्या पनि ३ लाख ५६ हजार भन्दा धेरै रहेको छ । यो बीचमा खबर आएको छ कि अमेरिकी राष्ट्रपति डोनाल्ड ट्रम्पले आफू कोरोनाभाइरसको संक्रमणबाट बच्नका लागि हाइड्रोक्सिक्लोरोक्विनको सेवन गरिरहेको जानकारी दिएका छन् ।

सोमबार ट्रम्पलाई मिडियाले उक्त औषधीको असरबारे प्रश्न सोधेका थिए । यसबारे ट्रम्पले भने, ‘म करिब डेढ हप्तादेखि यसको सेवन गरिरहेको छु र म यहाँ तपाईंहरु सामू उभिएको छु । मेरो तर्फबाट यही प्रमाण हो । यसबारे निकै सकारात्मक प्रतिक्रिया आइरहेको छ ।’ मलेरिया रोगको उपचारमा प्रयोग हुने यो औषधीको ट्रम्पले सुरुमा मजाक उडाएका थिए ।

यसको प्रभावकारिताबारे अमेरिका भित्रै पनि थुप्रैको भिन्न मत छ । यसबारे क्लिनिकल ट्रायल पनि चलिरहेको छ । तर अर्को रोचक कुरा के भने ट्रम्प कोरोना संक्रमित व्यक्ति होईनन् । यसकारण उनले दिएको बयानमा सत्यता कत्ति छ भन्नेमा धेरैलाई पत्यार लागेको छैन । बीबीसी

Related Articles

Back to top button
Close