समाचार

नेपालमा किन यति हेलचेक्र्रयाई : क्वारेन्टाइनबाट ४५ जना भागे

बुटवल । नेपालमा कोरोना भाइरस (कोभिड–१९) बिरुद्ध अत्यन्तै हेलचेक्र्रयाई देखिएको छ । कहिले कुन जिल्लामा त कहिले कुन जिल्लामा क्वारेन्टाइनबानै मानिस भाग्ने गरेका छन् । फितलो ब्यवस्थाका कारण उनीहरु भागिरहेका छन् । कपिलवस्तुको यशोधरा गाउँपालिका– ८ का दुई छुट्टाछुट्टै क्वारेन्टाइनमा बसेका ४५ जना व्यक्ति भागेको खबर आएको छ ।

भारत र अन्यत्रबाट आएका सबै जनालाई क्वारेन्टाइनमा नराखेको भन्दै उनीहरु राति नैक्वारेन्टाइन छोडेर घर फर्किएका हुन् । शुक्रबार राति वडा नम्बर ८ को खोरियास्थित सरस्वती प्राविको क्वारेन्टाइनका ३० जना र शनिबार सोही वडाको राष्ट्रिय निमाबि सिंहखोरका थप १५ जना समेत क्वारेन्टाइन छोडेर भागेको वडा अध्यक्ष सहाबुद्दिन मुसलमानले जानकारी दिए ।

यशोधरा गाउँपालिकाका १२ जनामा कोरोना संक्रमण पुष्टि भएको छ । वडा नंं ८ मा मात्रै पाँच जनामा संक्रमण भएको छ । हालसम्म फेला परेका संक्रमित सबै खोरिया गाउँकै हुन् । क्वारेन्टाइनमा बसेका व्यक्ति भागेर घर घर गएपछि स्थानीयमा त्रास बढेको छ । पहिल्यै गाउँ नै शिल गर्नुपर्नेमा खोरिया गाउँको क्वारेन्टाइनका व्यक्ति भागेर पुनः घरमा फर्किनु सुरक्षा निकायको चरम लापरवाही भएको स्थानीयको आरोप छ । ‘वडा नम्बर ८ को क्वारेन्टाइनमा राखिएका केही व्यक्ति क्वारेन्टाइनबाट भागेका छन्’ यशोधरा गाउँपालिकाका अध्यक्ष गृजेशकुमार पाण्डेयले भने, ‘यसबारे शुक्रबार नै प्रमुख जिल्ला अधिकारीलाई जानकारी दिएका छौं ।’

दुई दिनसम्म पनि गाउँमा सुरक्षाकर्मी नखटिंदा र गाउँ शील नहुँदा संक्रमण बढ्न सक्ने अध्यक्ष पाण्डेयले चिन्ता व्यक्त गरे । क्वारेन्टाइनबाट भागेकालाई सुरक्षाकर्मी परिचालन गरेर नियन्त्रणमा लिइने प्रमुख जिल्ला अधिकारी दीर्घनारायण पौडेलले बताए । यसको तयारी भइरहेको छ ।

Related Articles

Back to top button
Close