समाचार

आज भेटिएकी कोरोना संक्रमित चितवनकी महिला काठमाडौंमै रहेको खुलासा

स्वास्थ्य तथा जनसंख्या मन्त्रलायले आज (शनिबार) निकालेको विज्ञप्तीमा चितवन गड्यौली निवासी २५ वर्षीया महिलामा कोरोना संक्रमण पुष्टि भएको छ ।

तर ती महिला चितवनमा नरहेको पुष्टि भएको छ । ती महिला हाल काठमाडौंमै रहेकी छिन् । उनले काठमाडौंकै टेकुस्थित राष्ट्रिय जनस्वास्थ्य प्रयोगशालामा कोरोना परीक्षण गराएकी थिइन् ।

यो पढ्न छुटाउनु भयो कि
जनकपुर भनिएकी संक्रमित कालीमाटी बस्ने, युवती बस्ने घर सिल
पर्सामा ९१ जना पुग्दा बाँकी २५ जिल्लामध्ये कुनमा कति संक्रमित ?
थप ६ जनामा कोरोना संक्रमण, सिराहामा पनि भेटियो
ती संक्रमित महिला कहिले काठमाडौं गएकी हुन् भन्ने बारे खुलेको छैन । यसबारे कन्ट्याक्ट ट्रेसिङ हुनेछ ।

भरतपुर अस्पतालका अध्यक्ष डा.भोजराज अधिकारीले चितवनमा शुक्रबार परीक्षण गरिएकोमा कसैकोमा पनि कोरोना संक्रमण नदेखिएको बताए ।

उनले संक्रमित भनिएकी महिलाको परीक्षण काठमाडौंमै गरिएकाले सोही ठाउँमा बसोबास गरेको हुन सक्ने बताए ।

कोरोना परीक्षण गराउने बेलामा स्थायी ठेगाना चितवन लेखिएको तर यी महिला अस्थाई मा काठमाडौंमै बसोबास गर्ने बुझिएको छ ।

यसअगाडी चितवनमा २ जना कोरोना संक्रमितहरु निको भएर गएका छन् । आज भेटिएकी महिलाको ठेगाना चितवन राख्दा संक्रमितको संख्या ३ पुगेको हो ।

उनले काठमाडौंमै नमुना परिक्षण गराएकी हुन ।

प्रारम्भिक जानकारी अनुसार युवती चितवन आउजाउ पनि नभएको बुझिएको छ तर थप जानकारी लिने र लकडाउनको बेला चितवन आए नआएको पुष्टि हुन बाँकि छ ।

Related Articles

Back to top button
Close