मनोरंजन

फेरी अर्को अचम्मको अनि उदाहरणिय जोडी पहिलो पटक मिडियामा, सागर व्यवसायिक रेस्लरका साथै कलाकार पनि हुन् ( भिडियो अन्तर्वाता सहित )

भनिन्छ पे्रममा जात , धर्म, उमेर, रङ्ग , उचाई केहि हुँदैन । कतिपय प्रेमिल जोडिहरु यी कारणहरुले छुट्ने गरेका पनि छन् तर यी भनाईलाई सार्थक गराईदिएका छन् सागर ढकाल र सितल श्रेष्ठको जोडिले । देख्नमा सागर ढकाल कम उचाईका देखिन्छन् भने सितल बढी उचाइको । चिना हेराएर ३२ गुण मिलाएर विवाह गरिने हाम्रो समाजमा यो जोडि एउटा उदाहरणीय जोडीको रुपमा देखा परेको छ ।

केटा जतिसुकै अग्लो र केटी जतिसुकै होचो हुँदा पनि अचम्म नमान्ने , केटा कम उचाईको र केटी बढी उचाईको हुँदा कुरा काट्ने यो समाजलाई यी जोडिले नराम्ररी थप्पड लगाएका छन् । उचाई , अन्र्तजातिय सम्वन्ध , सितलको विगत अनि परिवारको असमझदारी लगायतका थुप्रै वाधाहरुलाई पन्छाएर सागर र सितलले ५ महिनाअघि प्रेम विवाह गरे । सुरुमा असन्तुष्ट देखिएका सितलको परिवार अहिले आएर खुशी छन् भने सागरको परिवार अहिलेसम्म उनीहरुको विवाहलाई लिएर खुशी छैनन् ।

सागर व्यवसायिक रेस्लरका साथै कलाकार पनि हुन् । उनले २ रुपैँया , मिस्टर भर्जिन , गरुड पुराण , न यता न उता लगायतका चलचित्रमा अभिनय गरिसकेका छन् भने बुलेट फ्लोको एउटा म्यूजिक भिडियोमा श्रीमती सितलका साथ मोडलिङ पनि गरेका छन् । सितलले पनि सागरकै बाटो पन्छाउँदै थुप्रै पटक रेस्लिङमा भाग लिईसकेकी छिन् । अहिले भने उनी एक कम्पनीमा जागिरे छिन् ।

एक अर्काविना छुट्टिएर बस्नै नसक्ने सितल माईत जाँदा पनि सागरलाई सँगै लिएर जान्छिन् । विशेष कारणले केहि समय छुट्टिनु पर्दा एक पटक सितलले आत्महत्याको प्रयास समेत गरेकी थिइन् । भविष्यमा आफूजस्तै सन्तान जन्मिएर उसले दुख पाँउछ कि भनेर सागर भने सन्तान नजन्माउने बरु धर्म सन्तानको रुपमा अरुलाई पाल्ने पक्षमा छन् भने सितल आफ्नै सन्तान जन्माउने पक्षमा छिन् ।स्वभाव भिन्न भएका यी जोडिमा सागर अनि शालिन, शान्त छन् भने सितल अलि बोल्ड र केहि परे आवाज उठाईहाल्ने , जिस्काउने र होच्याउनेलाई तह लगाईहाल्ने किसिमकी छिन् । समाजमा रहेका थुप्रै जोडिहरुले समाजको डरले आफ्नो प्रेम व्यक्त गर्न र समाजले के भन्ला भनेर डराईरहेको अवस्थामा यो जोडि साच्चै एक उदाहरण हो ।

Related Articles

Back to top button
Close