समाचार

कालापानीमा चौकी राख्ने पहिलो प्रधानमन्त्री ओली, इन्सपेक्टरको नेतृत्वमा सशस्त्रको बिओपी स्थापना

काठमाडौँ । प्रधानमन्त्री केपी शर्मा अोली नेतृत्वको सरकारले कालापानी क्षेत्रमा चाैकी स्थापनाको काम गरेको छ । कालापानी र लिपुलेक आसपासको सी’मा सुरक्षाका लागि सशस्त्र प्रहरी बलको टोली स्थायी रूपमा तै’नाथ गरिएको हो । सशस्त्र प्रहरीको इन्सपेक्टरको नेतृत्वमा टोली कालापानी क्षेत्रमा पुगेर चाैकी स्थापनाको काम सम्पन्न भएको छ । सरकारको निर्णयपछि सशस्त्र प्रहरी प्रमुख शैलेन्द्र खनालले दार्चुलाको व्यास गाउँपालिका–१ स्थित छाङरुमा सी’मा निगरानी चौकी (बिओपी) स्थापनाका लागि काठमाडौँबाट टोली पठाएका हुन ।

बुधबार छाङरुमा सशस्त्र प्रहरीको कार्य एवं सीमा सुरक्षा विभागका प्रमुख एआईजी नारायणबाबु थापाको उपस्थितिमा सशस्त्र प्रहरीको बीओपी उद्घाटन समेत सम्पन्न भएको छ । सशस्त्रले २५ जनाको टोली बिओपीमा खटाएको छ । केही दिनअघि भारतको पिथौरागढबाट नेपालको कालापानीस्थित गुञ्जी हुँदै चीनको मानसरोवर जाने लिपुभञ्याङसम्मको सडक निर्माण गरी भारतले उद्घाटन गरेको थियो ।

त्यसपछि सीमारक्षाका लागि सरकारले तत्कालै त्यस क्षेत्रमा सशस्त्रको टोली पठाउन निर्णय गरेको हो । प्रहरी निरीक्षक मिलीबहादुर चन्दको नेतृत्वमा २५ जनाको टोलीले अब कालापानी क्षेत्रको सी’मा सुरक्षाको काम गर्नेछ । सशस्त्रले अाफ्नो काम सुरू भएसँगै अस्पतालसहितको भाैतिक संरचना समेत बनाउने भएको छ ।

Related Articles

Back to top button
Close