समाचार

Breaking: भोलीबाट लकडाउन कडा बनाउने निर्णय, रातोमाटे नाकाबाट मानिस हेटौँडा छिर्न नपाउने

हेटौँडा ।कोरोनाको संक्रमण बढदै गएपछि मकवानपुरमा भोलीबाट पुर्वपश्चिम राजमार्गको चुरीयामाइ क्षेत्रहुँदै हेटौँडा आवतजावत बन्द गरिएको छ ।आज हेटौँडामा बसेको कमाण्ड पोष्टको बैठकले लकडाउनलाई कडा बनाउने निर्णय गर्दै दक्षिणको नाकामा प्रहरी पोष्ट खडा गर्ने र मकवानपुर आउने सबारीसाधनको कडा निगरानी गर्ने भएको हो ।बैठकले भोलीबाट विहान ९ बजेसम्म खाद्यन्न तथा ग्यास पसलमात्र खोल्न पाउने निर्णय गरेको छ भने औषधी तथा भेटनरी, कृषि औसधी पसललाई दिनभरी खोल्न दिने निर्णय गरेको छ ।

बैठकले भोली एकदिनको लागि तरकारी बजार तथा माछामासु बजार खोल्न दिने तर पर्सि जेठ १ गतेबाट भने माछामासु तथा तरकारी बजार पूर्ण रुपमा बन्द गर्ने निर्णय गरेको छ । तरकारीको लागि भने सहकारी मार्फत कुनै स्थानबाट वितरण गर्ने निति अबलम्बन गर्ने निर्णय समेत कमाण्ड पोष्टले गरेको मकवानपुर उद्योग वाणिज्य संघका अध्यक्ष कृष्ण कटुवालले बताए । बैठकले तराईका जिल्लाबाट मकवानपुर छिर्ने अन्य नाकामा समेत कडाई गर्ने निर्णय गरेको छ भने बैैंकलाई विहान १० बजेबाट ३ बजेसम्म खुल्ला गर्ने तर भिडभाड गर्न नदिने निर्णय गरेको छ ।

Related Articles

Back to top button
Close