अन्तर्राष्ट्रिय समाचार

कोरोना भाइरस : खाडी मुलुकमा ७८ हजार संक्रमित, साउदी सबैभन्दा बढी प्रभावित

काठमाडौं – लाखौं नेपालीहरु कार्यरत खाडीका ६ मुलुकमा कोरोना भाइरसले ४४१ जनाको मृत्यु भएको छ भने ७८ हजार ७७४ जना संक्रमित भएका छन् ।

खाडीका ६ राष्ट्रमध्ये साउदी अरवमा अहिलेसम्म सबैभन्दा धेरै २०९ जनाको मृत्यु भएको छ । त्यहाँ ३१ हजार ९३८ जना संक्रमित भएका छन् ।

यस्तै यूएईमा १५७ जनाको मृत्यु भएको छ भने १५ हजार ७३८ जना संक्रमित भएका छन् । कोरोना भाइरसको संक्रमणले कुवेतमा ४२ जनाको मृत्यु भएको छ भने ६ हजार २८९ जना संक्रमित भएका छन् ।

यस्तै ओमानमा १३ जनाको मृत्यु भएको छ भने २ हजार ९०३ जना संक्रमित भएका छन् । कतारमा १२ जनाको मृत्यु भएको छ भने १७ हजार ९७२ जना संक्रमित भएका छन् ।

कोरोना भाइरसको संक्रमणले बहराइनमा ८ जनाको मृत्यु भएको छ । त्यहाँ ३ हजार ९३४ जना संक्रमित भएका छन् ।

बैदेशिक रोजगारीमा रहेका लाखौं नेपालीहरु रहेका खाडी मुलुकमा संक्रमण बढ्दै जादा उनीहरु चिन्तित हुन थालेका छन् ।

Related Articles

Back to top button
Close