समाचार

सेती अस्पतालमा परीक्षण गरिएका मध्ये ४ जनामा ‘पोजेटिभ’ रिपोर्ट

कैलाली । सेती प्रदेशिक अस्पताल कैलालीमा कोरोना भाईरस परीक्षण गरिएका ६५ जनामध्ये ४ जनामा पोजिटिभ रिपोर्ट आएको पाइएको छ ।अस्पतालले आज एक विज्ञप्ति जारी गर्दै यसबारे जानकारी दिएको हो ।अस्पतालका अनुसार हालसम्म उपचार गरेका बिरामीको संख्या २९ रहेको र प्रयोग शालामा जम्मा ६५ जनाको परीक्षण गरिएको छ ।अस्पतालकाअनुसार हालसम्म नेगेटिभ रिपोर्ट आउनेको संख्या ५० छ भने रिपोर्ट आउन बाँकी ११ जना रहेका छन् ।

सेती प्रादेशिक अस्पतालका प्रमुख एवम् मेडिकल सुपरिन्टेन्डेन्ट डा. हेमराज पाण्डेयका अनुसार नेगेटिभ रिपोर्ट आउने सबै निको भएर घर गइसकेका छन् ।पोजेटिभ देखिएका ४ जनासहित ५ जनाको मात्र आइसोलेसनमा राखेर उपचार भइरहेको उनले बताए । यी देखिएका ४ जना नयाँ संक्रमित भने होइनन् । नेपालमा अहिलेसम्म देखिएका ९ जना संक्रमित मध्येकै सेती अञ्चल अस्पतालमा ४ जना रहेका छन् ।

Related Articles

Back to top button
Close