समाचार

कोरोनाका कारण इटालीमा ६१ जना डाक्टरको निधन, ८ हजार ५५८ चिकित्सकहरु कोरोनाले बिरामी परे

इटलीमा कोरोना भाइरस ‘कोभिड १९’ का कारण हालसम्म ६१ जना डाक्टरको निधन भएको छ। सोमबार इटलीको चिकित्सक संघले दिएको जानकारी अनुसार हालसम्म त्यहाँ ८ हजार ५५८ चिकित्सकहरु कोरोनाले बिरामी परेका छन्। ६१ डाक्टरको भने निधन भइसकेको छ। मृ’तक ६१ डाक्टरमध्ये ४० जना कोरोनाले सबैभन्दा ग्रस्त क्षेत्र लोमबार्डिमा कार्यरत थिए।

इटली अमेरिकापछि कोरोनाले सबैभन्दा बढी प्रभावित राष्ट्र हो। इटालीमा काेराेना भाइरसबाट १२ हजार ४२८ निधन भएकाे छ । अहिलेसम्म इटालीमा १ लाख ५ हजारभन्दा बढीमा कोरोनाको संक्रमण भएको छ । तीमध्ये १५ हजार ७२९ जना पूर्ण रुपमा निको भएका छन् । अहिले ७७ हजार ६३५ जनामा कोरोनाको सक्रिय संक्रमण रहेको छ । संक्रमितमध्ये ४ हजारभान्दा बढीकाे अवस्था गम्भीर रहेको छ ।

त्यस्तै इटालीमा कोरोना भाइरस संक्रमितको उपचारमा अहोरात्र खटिएकी एक नर्सले आफुमा कोरोना संक्रमित भएपछि देहत्याग गरेकी छिन्। ३४ वर्षीया डेनिला ट्रेज्जी नाम गरेकी ती नर्स इटालीमा सुरुका दिनदेखि नै कोरोना भाइरसको सबैभन्दा प्रभावित क्षेत्र लोम्बार्दीमा खटिएकी थिइन्। उनी त्यस क्षेत्रमा कोरोना संक्रमितहरुको उपचारका लागि स्वास्थ्यकर्मीको टोलीको नेतृत्व गरेर उपचारमा तल्लिन थिइन्।

बेलायतको चर्चित पत्रिका टेलिग्राफका अनुसार कोरोना संक्रमितहरुको उपचारमा रातदिन जुटेकी उनले आफैँमा कोरोना भाइरस संक्रमण भएको पुष्टि भएपछि देहत्याग गर्ने निर्णय लिएकी हुन्। उनी लोम्बार्दी क्षेत्रको मोन्जास्थित सान जेर्राडो अस्पतालको इन्टेन्सिभ केयर युनिटको नेतृत्व गर्दे खटिएकी नर्स थिइन्। यो क्षेत्रलाई कोरोना भाइरसले सबैभन्दा धेरै चपेटामा पारेको छ ‘कोरोनाभाइरसबाट संक्रमितहरुको उपचार गर्दागर्दै म आफै संक्रमित हुन पुगेँ। अब अरु मानिसलाई संक्रमित गर्ने बोझ सहन सक्ने क्षमता मभित्र छैन’, देहत्याग गर्नुअघि उनले लेखेकी थिइन्, ‘त्यसैले अरु धेरैको जीवन बचाउन आफ्नै जीवन अन्त्य गर्ने निर्णय लिएकी छु।’

नर्सहरुको महासंघ इटालीले डेनिला ट्रेज्जी कोभिड-१९ बाट सबैभन्दा बढी प्रभावित लोम्बार्डी क्षेत्रमा खटिएकी थिइन्। डेलीमेलका अनुसा इटालीमा कोरोनाभाइरसविरुद्धको ल’डाईंमा नर्सहरु अग्रमोर्चमा खटिएका छन्। तर उनको देहत्याग को खबरले सबै चिकित्सक र सिंगो मुलुक स्तब्ध भएको नर्सहरुको महासंघले जनाएको छ। महासंघका अनुसार ती नर्समा गरिएको परीक्षणमा कोरोनाभाइरसको पोजेटिभ आएको थियो। त्यसपछि उनी अरुलाई संक्रमण हुन सक्ने कुराले तनावमा थिइन्।

महासंघले अरुलाई जोगाउन भन्दै नर्सले देहत्याग गरेकोमा सिंगो देश नै स्तब्ध भएको जनाएको छ। ‘कयौँ दिनरात कोरोना संक्रमितको उपचारमा खटिएकी नर्सलाई नै कोरोना संक्रमण भएको थियो’, महासंघले भनेको छ, ‘एकजना नर्सले अरुको ज्या’न जोगाउन आफ्नो ज्यान त्यागेको कुराले हामी मर्माहत भएका छौं।’

Related Articles

Back to top button
Close