समाचार

कोरोनाभाइरस संक्रमित अमेरिकी पत्रकार मारियाको निधन

अमेरिका- विश्वव्यापी रुपमा फैलिएको कोरोना भाइरसको संक्रमणबाट अमेरिकामा एक जना पत्रकारको निधन भएको छ । अमेरिकी पत्रकार मारिया मेर्कादेरको कोरोना भाइरसको संक्रमणका कारण निधन भएको हो ।

अमेरिकी टेलिभिजन नेटवर्क सीबीएस न्यूजकी वरिष्ठ पत्रकार मेर्कादेरको आइतबार निधन भएको अन्तर्राष्ट्रिय सञ्चार माध्यमले जनाएका छन् ।

५४ वर्षकी उनमा कोरोना भाइरसको संक्रमण पुष्टि भएको थियो । उनी ३० वर्ष भन्दा बढी समयदेखि सीबीएसमा रिपोर्टर तथा ट्यालेन्ट डिरेक्कटरको रुपमा कार्यरत थिइन् ।

उनले समाचार कक्षमा कार्यरत पत्रकारहरु सबै क्षेत्रबाट समेटिउन् भन्नका लागि एसियन अमेरिकन पत्रकार एसोसिएसन, नेशनल लेस्बियन एण्ड गे जर्नलिस्ट एसोसिएसन र नेशनल एसोसिएसन अफ ब्ल्याक जर्नलिस्टसँग मिलेर काम गर्दै आएकी थिइन् ।

पछिल्लो दुई दशकदेखि उनले विभिन्न स्वास्थ्य समस्या झेलिरहेकी थिइन् । उनी क्यान्सरबाट समेत पीडित रहेको जनाइएको छ । उनी सन् १९८७ देखि सीबीएस न्यूजमा कार्यरत थिइन् ।

Related Articles

Back to top button
Close