समाचार

हावामा बाच्न सक्छ कोरोना भाइरस ? यस्ता छन् संक्रमणका लक्षण

चीनको वुहानबाट फैलिएको कोरोना भाइरसको संक्रमण अहिले लगभग विश्वभर फैलिएको छ ।

नेपालमा समेत कोरोनाको संक्रमितको संख्या फेला परेसंगै नेपालीहरुमा यसबारे त्रास उत्पन्न भएको छ । त्यसैले पनि आजकल मानिसमा कोरोनाका बिषयमा जान्न उत्सुकता रहने गरेको छ ।

तिनै उत्सुकताको आधारमा केहि कोरोना भाइरससंग सरोकार राख्ने जानकारी यस प्रकारका छन् ।

१. सीडीसी (Centers for Disease Control and Prevention) का अनुसार कोरोना भाइरस एकअर्काको सम्पर्कमा आउनासाथ फैलने गर्दछ । त्यसैले एकअर्कासंग कुरा गर्दा न्युनतम दुरी २ मिटर राख्नु पर्दछ ।

२. कोरोना भाइरसको शुरुवात खोकि र रुघाबाट हुने गर्दछ । कोरोनाबाट संक्रमित भएपछि सुख्खा खोकि आउन थाल्दछ । जसका कारण खोक्दा वा हाच्छ्यु गर्दा नाक मुख पाखुरा वा टिस्युले छोपेर मात्र गर्नुपर्दछ अन्यथा आसपासका ब्यक्तिमा पनि सर्ने संभावना हुन्छ ।

३. कुनै पनि सतह वा भुईमा समेत कोरोनाको भाइरस रहन सक्छन्, यस्ता सतहमा यी भाइरस एक सातासम्म जीवित रहन सक्ने भएकाले यस्ता छुने वा छोएपछि अनुहारमा छुने गर्नुहुदैन । यदि मानिसले नाक, मुख, आखाँ वा अनुहार हातले नछोएमा कोरोना सर्ने सम्भावना न्युन हुन्छ ।

४. आम भाइरस हावामा हुने पानीका ससाना कणमा पनि जीवित हुन सक्ने भएकाले ती रोगको संक्रमण हावाबाट हुने संभावना हुन्छ । तर कोरोना भाइरस हावामा लामो समयसम्म जीवित रहन सक्दैन । साथै मानिसको दिसा वा पिसाबबाट समेत कोरोना सर्छ भन्ने बिषय प्रमाणित भइसकेको छैन ।

५. मानिसबीच सामाजिक दुरी, मुखमा मास्क, अनुहार हातले नछुने तथा पटक पटक साबुनपानीले हात धुने गरेमा कोरोनाको संक्रमण हुने सम्भावना ९० प्रतिशतले कम हुन्छ । तर मास्कले कोरोनाको संक्रमणबाट बचाउन भन्दा पनि संक्रमित ब्यक्तिबाट अरुलाई हुनबाट बचाउँछ । त्यसैले संक्रमणकालसम्म सकेसम्म घरभित्रै रहन सकेमा कोरोनाको सर्ने सम्भावना धेरै हदसम्म न्युन हुन्छ ।

Related Articles

Back to top button
Close