समाचार

मजदुरी गरेर हुर्काएको छोरो तस्करले मारेपछि उजाडियो आमा कलावतीको सपना

काठमाण्डौ । नेपाल प्रहरीका साहायक निरिक्षक गोविन्द बिक सानै छंदा उनका बाबुले यो संसार छाडेर गएका थिए । त्यतिबेला उनी जम्मा नौ वर्षका बालक थिए । बाबुको निधनपछि आमा कलावती बिकले गोबिन्दसंगै तीन छोरा र एक छोरीलाई मजदुरी गरेर हुकाईन् । गोबिन्द तीन दाजुभाईमा माहिला छोरा थिए । सुकुम्बासी परिवारका गोबिन्दकी आमाको बाबुको निधनपछि सहारा केही थिएन । बुवा बितेपछि परिवारको पालनपोषणको अभिभारा आमा कलावतीको काँधमा आईलाग्यो ।

सम्पत्तीका नाममा केवल एउटा ओत लाग्ने झुपडी थियो गोबिन्दको परिवारकालागी । त्यही झुपडीमा हुर्किएका थिए गोबिन्द । गोबिन्द र उनका दिदी भाईहरुलाई हुर्काउनकोलागी आमा कलावतीले अर्काको खेतमा काम गरिन् । दाउरा बेचिन् । मजदुरी गरिन् । आफ्ना सन्तानलाई हुर्काउन आमा कलावतीले निकै कष्ट सहेरै भएपनि छोराछोरीलाई पढाएर ठूलो मान्छे बनाउने सपनामा उनी लागि रहिन् ।

दाईभाईले पढाईमा धेरै रुचि देखाएनन । तर गोविन्दले पढाई छोडेनन । पुनर्वासको क गाउँमा रहेको बागेश्वरीमा माविबाट एसएलसी पास गरे । र थप पढाईका लागि उनकी आमा कलावतीले कैलाली बहुमुखी क्याम्पस भर्ना गरिन् । धनगढीमा डेरा गरेर पढाउन सक्ने आर्थिक हैसियत थिएन गोबिन्दको । तर पनि छोरालाई पढाएर ठूलो मान्छे बनाउने सपना पुरा गर्न गोबिन्दकी आमाले रातदिन मजदुरी गरिन् । अन्ततः तीन वर्षअघि आमा कलावतीको सपना पुरा भयो ।

गोविन्दले नेपाल प्रहरीमा प्रहरी सहायक निरिक्षकमा नाम निकाले । त्यो दिन कलावतीका लागि मात्र नभएर उनको समुदायकै लागि ठूलो खुशीको दिन थियो । दलित समुदायबाट असई हुने गोविन्द पहिलो युवा थिए । पढेर के हुन्छ र भनेर बीचमै पढाई छोड्ने दलित समुदायका विद्यार्थीहरुका लागि त उनी प्रेरणाको स्रोत नै थिए ।

किनकी उनी आफ्नै बलबुता, अध्ययन र मिहिनेतले असई भएका थिए । उनको न पहूँच थियो । न त उनी कुनै राजनैतिक दलका कार्यकर्ता थिए । आमा कलावतीको छोरा ठूलो भएको हेर्ने सपना भने धेरै समय टिकेन । भदौ पहिलो साता धनगढी उपमहानगरपालिका—१२ जुगेडा स्थित प्रहरी चौकीको ईञ्चार्जको जिम्मेवारी सम्हालेका गोविन्द कार्तिक १ गते राति गस्तीको क्रममा निस्किएका बेला तस्करहरुको एम्बुसमा परे । उनको बि’भ’त्स ढंगले तस्करहरुले ह’ त्या गरे ।

गोविन्द राति गस्तीबाट हराएको खबर सुनेपछि अत्तालिएका उनकी आमा र श्रीमती उनको लाश भेटिएयता होसमा छैनन् । परिवारका सदस्यहरु आफै विक्षिप्त झै छन् । गोविन्द सिंगो दलित समुदायको एक्लो असई थियो । उसैलाई मारिदिए । तस्करले गोविन्दले धनगढीमा डेरा लिई छोराछोरीलाई पढाईरहेका थिए ।

Related Articles

Back to top button
Close