समाचार

भारतका सेना प्रमुख मनोज मुकुन्द नरवाणे नेपाल भ्रमणमा आउँदै

काठमाडौँ– भारतीय सेनाका प्रमुख मनोज मुकुन्द नरवाणे नेपाल भ्रमणमा आउने भएका छन् ।

नेपालले कालापानी, लिपुलेक र लिम्पियाधुरासहितको भू–भाग समेटेर नक्सा जारी गर्दा ‘कूटनीतिक मर्यादा विपरित’ टिप्पणी गरेका भारतीय सेनाध्यक्ष नरवाणे दशैं र तिहारको बीचमा नेपाल भ्रमणमा आउन लागेका हुन् ।

नेपालले कालापानी, लिपुलेक र लिम्पियाधुरासहितको भू–भाग समेटेर नक्सा जारी गरेको विषयलाई नरवाणेले चीनसँगको मिलेमतोको रुपमा टिप्पणी गरेका थिए ।

नेपाल र भारतका सेना प्रमुखले एक–अर्को देशका सेनाको मानार्थ महारथीको दर्ज्यानी चिह्न ग्रहण गर्ने कार्यक्रमका लागि सेनाध्यक्ष नरवाणे नेपाल आउन लागेका हुन् ।

उनले राष्ट्रपति विद्यादेवी भण्डारीबाट नेपाली सेनाको मानार्थ महारथीको दर्ज्यानी चिह्न ग्रहण गर्ने कार्यक्रम तय भइसकेको छ ।

प्रधानमन्त्री केपी शर्मा ओलीकै चाहनामा सेनाध्यक्ष नरवाणेलाई परराष्ट्र मन्त्रालयमार्फत नेपाल भ्रमणको निम्तो दिइएको थियो ।

नेपाल भ्रमणका क्रममा उनले मुक्तिनाथको दर्शन गर्ने कार्यक्रम समेत तय भएको जनाइएको छ ।

Related Articles

Back to top button