समाचार

मेलम्चीको पानी पिउन तयार हुनुस्, असारसम्म काठमाडौं आउँछ : मन्त्री मगर

सरकारले असारसम्ममा मेलम्चीको पानी काठमाडौं ल्याउने घोषणा गरेको छ । खानेपानी मन्त्री विना मगरले मेलम्ची आयोजनाबारे स्वेतपत्र जारी गर्दै असारसम्ममा मेलम्चीदेखि सुन्दरीजलसम्मको सुरुङ परीक्षण र सञ्चालन गर्ने घोषणा गर्नुभएको हो ।

स्वेतपत्रमा सुन्दरीजल पोर्टलदेखि पानी प्रशोधन केन्द्र तथा बागमती नदीसम्मको आयोजना असारभित्रै सक्ने लक्ष्य छ । बाँध सक्नका लागि केही समय लागेपनि वैकल्पिक बाँधबाट असार मसान्तसम्ममा पानी झार्ने सरकारको योजना छ ।

इटालीको सीएमसीले काम छाडेर भागेपछि आयोजना अलपत्र बनेको थियो । आयोजनाको बाँकी काम एक वर्षभित्र सक्नेगरी चीनको सिनो हाइड्रोसँग सम्झौता गरेको थियो ।

आयोजनाले काम समयमा भए नभएको बारे मन्त्रालय र समितिले अनुगमन गरिरहेको जानकारी दिएको छ । हालसम्म २७ अर्ब ९४ करोड खर्च भएर ९४ प्रतिशत भौतिक काम सम्पन्न भएको आयोजनाले जनाएको छ ।

Related Articles

Back to top button
Close