भिडियो

सामान्य ज्ञान नहुँदा गायक दुर्गेश थापा विवादमा तानिए, भक्तराज आचार्यको गीतलाई नारायण गोपालको गीत भनेर गाएपछि…

काठमाडौं – मोडल तथा गायक दुर्गेश थापाले यसपटक लगातार तीजका गीत सार्वजनिक गरिरहेका छन् । उनका केही गीत लोकप्रिय पनि छन् । गतवर्षको तीजमा ‘बीच्च बीच्चमा’ बोलको गीत सार्वजनिक गरेपछि दुर्गेश एकाएक चर्चामा आए । पहिले पनि उनको चर्चा त हुन्थ्यो । तर, यो गीतले धेरै दर्शकमाझ परिचित गरायो ।

पछिल्लो समयका चर्चित गायक दुर्गेश थापा विवादमा तानिएका छन्। प्राइम टेलिभिजनमा पत्रकार ऋषि धमलाले लिएको अन्तर्वार्तामा दुर्गेशलाई स्वरसम्राट नारायण गोपालको गीत गाउँनुस् भन्दा दुर्गेशले भक्त राज आचार्यको गीत गाएपछि उनी विवादमा आएका हुन्।अन्तर्वार्ताको क्रममा धमलाले ‘स्वर सम्राट नारायण गाेपालको गीत गाउनुस्’ भन्छन्। त्यसपछि दुर्गेशले ‘उहाँको गीत म धेरै सुन्छु’, भन्छन् र भक्त राज आचार्यले स्वर भरेको गीत ‘मुटु जलिरहेछ’ गाउँछन्। धमलाले दुर्गेशलाई सच्याउँदैनन्, उनले फेरि प्रश्न गर्छन्, ‘नारायण गोपालको गीत तपाईलाई मन पर्छ ?’

दुर्गेशले भन्छन् ‘एउटा मान्छेको मायाले कति, म त लालि गुँरास भएछु’ मन पर्छ। धमलाले दुर्गेशलाई रामकृष्ण ढकालको कुन कुन गीत मनपर्छ भनेर सोध्छन्, दुर्गेशले आफू रामकृष्ण ढकालको गीतमा अभिनय गरेको बताउँछन् तर अहिलेलाई बिर्से भन्छन्। धमलाले च्याप्न छोड्दैनन्, ‘कुन गायक सबैभन्दा मनपर्छ ?’ दुर्गेशले फ्याट्ट जवाफ दिन सक्दैनन्, ‘भन्छन् सबै मनपर्छ।’ धमलाले दुर्गेशले जुन गायकको नाम भने, उसैको गीत गाउँन लगाउछन्। दुर्गेशले गायक शिव परियारको नाम लिएपछि गीत गाउँन लगाउँदा दुर्गेश ‘पिउदिँन भन्दा भन्दै पिलायो साथीले’ को शब्द बिर्गाछन्।

यसपछि धमलाले यम बराललाई गायक हो भनेर चिनाउँदै उनको गीत गाउन दुर्गेशलाई आग्रह गर्छन्। दुर्गेशले रामकृष्ण ढकालको ‘ओराली लागेको हरिणको चाल भो’ गीत गाउँछन्। यसपछि पनि अन्तर्वार्ता दुर्गेशलाई युवतीले किन पछ्याउँछन्, मन पराउछन् भन्ने कुरामा केन्द्रित हुन्छ। भिडियो मोडल दुर्गेश थापा गएको वर्ष सार्वजनिक भएको गीत ‘बिच्च बिच्चमा’ पछि एकाएक चर्चामा आए। त्यसपछि उनले निकालेको ‘ह्याप्पी तिहार चिसो बियर’ विवादमा पर्‍याे। यो वर्ष दुर्गेशले ‘बिच्च बिच्चमा २, ३’ गीत निकाले जुन चर्चाको शिखरमा छन्।

यसै क्रममा गायक दुर्गेश थापाले दिएको पछिल्लो अन्तर्वार्तामा आफ्नो बोली चिप्लिएको बताएका छन्। दुर्गेशले आफू हडबढाएको कारणले त्यस्तो भएको बताए।‘खासमा म हिजो अन्तर्वार्ता दिने तयारीमा थिइनँ, तै पनि गरौ गरौँ भन्नु भयो र गरेको त्यस्तो भयो।’ उनले भने, ‘कहिलेकाँही यस्तै हुँदो रहेछ।’

‘नारायण गोपालको गीत कसलाई थाहा हुँदैन र ! दुर्गेशले भने, ‘थाहा थियो, तर बोल्दा बोल्दै चिप्लिएँ। मिडियामा अहिले चिप्लिने रोग लागिरहेको छ, अहिले म चिप्लिएँ।’दुर्गेश भन्छन्, ‘यो दुर्घटनापछि मलाई गाली गर्लान्, ठीकै छ मैले कहिले चाँही गाली खाएको छैन र !’दुर्गेशले कसैलाई केही आक्षेप नलगाएकोले त्यति आत्तिएका छैनन्।

‘एक त ऋषि धमलाजि को प्रश्न सोध्ने तरिका नै त्यस्तो छ, अन द स्पट गाउनुस् गाउनुस् भनेपछि कसरी दिमागले काम गर्छ ? त्यस्तो बेलामा आफ्नो गीत त गतिलो गरी आउँदैन त्यसैले त्यस्तो भयो’, दुर्गेश भन्छन्, ‘नारायण गोपालको गीत भन्दा भक्तराज आचार्यको गीत गाए, अनि यम बरालको भन्दा रामकृष्ण ढकालको गीत गाएछु।’

Related Articles

Back to top button
Close