समाचार

नारायणी नदीले खतराको तह छोयो, उच्च सतर्कता अपनाउन आग्रह

चितवन – चितवनमा नारायणी नदीको जल सतहले सतर्कता बिन्दु पार गरेपछि वरपरका बासिन्दालाई सतर्क रहन आह्वान गरिएको छ ।

नारायणी नदी देवघाट बाढी मापन केन्द्रले अविरल बर्षाका कारण नदीले सतर्कता तह पार जनाएको छ । ७ दशमलव ३ मिटर सतर्कता तह रहेको नारायणी नदीमा अहिले जलस्तर बढेर ८ दशमलब ४ मिटर पुगेको मापन केन्द्रले जनाएको छ ।

जलसतह ८ मिटर पुगेपछि खतराको तह मानिन्छ । स्थानीय प्रशासनले पानीको सतह अझै बढ्न सक्ने भन्दै चितवन र नवलपरासीको नारायणी नदीको तटीय क्षेत्रमा उच्च सतर्कता अपनाउन आग्रह गरेको हो ।

बाढीबाट हुनसक्ने सम्भावित क्षति न्यूनीकरण र उद्धारका लागि नेपाल प्रहरी, नेपाली सेना, सशस्त्र प्रहरीलाई तयारी अवस्थामा राखिएको जिल्ला विपद् व्यवस्थापन समिति चितवनले जनाएको छ ।

Related Articles

Back to top button
Close