समाचार

रविलाई एक सुभेच्छुकको खुल्लापत्र : राजनीतिमा आयौं भने तिमी बिलाएर जान्छौं

अप्रत्याशित रूपमा रबिले लाखौं नेपालीको मन जिते । भलै अदालतको बिश्वास पुर्णतः जित्न सकेनन् । जनताको अभिमतले पक्कै पनि नेतृत्वलाई नराम्ररी झस्काएको हुनुपर्छ भने समर्थकहरुलाई उक्साएको र स्वयं रबिलाई यसले हर्षित एंब दरिलो बनाएको छ । भुइँका जनताको आवाज, गुनासो , पिडा र भस्ट्राचार बिरुद्धको खरो अभियक्ति एउटा संचारकर्मी को बलियो अभिमत बनेर उभियो । तसर्थ उनका समर्थकहरुले राजनीतिमा आउन आह्वान गर्नु नेतृत्वप्रतिको बितृष्णा नै यो । यहि ब्युरोकेसी , यहि भागबन्डा , यहि सिस्टम र यहि आसेपासे कुसंस्कार जालो ….

यो सबै नच्यातेसम्म वा क्रमशः नच्यात्ने हो भने रबि त के चिनियाँ रास्ट्रपति नेपाली नागरिकता लिएर देश बनाउछुँ भनेर कसम खाएर आएपनि तात्विक रुपमा ठुलो छलाङ्ग मार्न सक्दैनन् ।

यो केबल एकल ब्यक्तिको चाहना र प्रयासले मात्रै सफल हुँदैन । सामुहिक प्रयत्न र इच्छाशक्तिले मात्रै बिकृती, बिसङ्गती र भस्ट्राचारको जालो च्यात्न सकिन्छ । क्षणिक लोकप्रियता र चर्चाले मानिसलाई चर्तित त बनाउछँ तर दिगो रहिरहन कठिन हुदोरहेछ भन्ने उदाहरण हाम्रो सामु नै छ ।

रबिन्द्र अधिकारी –स्वतन्त्र रूपमा रहँदासम्म कति हिट र चर्चित थिए । जसको शब्दहरुले रास्ट्रप्रतिको प्रेम मात्रै बढाउदैनथ्यो त्यतिकै जागरुक बन्न पनि प्रेरित गर्थ्यो । जब राजनीतिको टोपी भिरेर मैदानमा आए तब हिजो टिकट काटेर उनको भासण सुन्न टाढाटाढाबाट युबाहरु ओईरिन्थे आज त्यहीँ युबाहरु उनको राजनैतिक कार्यक्रमप्रति मुन्टो बटार्छन ।

डा.देबेन्द्रराज पाण्डे -जो नागरिक अगुवाको रूपमा चर्चित र सम्मानित थिए । जब उनले २०४७-४८ मा राजनीतिकमा ओर्लिएर लोक दल खोल्ने बित्तिकै बिलाए ।

त्यसैले कुनै A (हालको नेतृत्व )भन्ने ब्यक्तिप्रतिको बितृस्णाले जन्माएको लोकप्रियताको जगलाई आधार बनाएर B (रबि लामिछाने ) भन्ने ब्यक्तिलाई राजनीतिमा आउन आह्वान गर्नु यो केबल शुभेच्छुकहरुको नैराश्यता र A भन्ने ब्यक्तीप्रतिको आक्रोशको कुण्ठा मात्रै हो । यो अभिमत केबल स्वतन्त्र रहिन्जेल भिडको रुपमा रहने तर राजनीतिको लगौटी कसेपछी क्रमशः छिन्नभिन्न हुनेछ भन्ने कुराको उदाहरण भारतमा अप्रत्याशिक उदाएर त्यसरी नै हराएको आम आदमीलाई हेरे पुग्छ ।

तसर्थ रबि लामिछानेलाई राजनीतिमा आउनको लागि आह्वान हैन यहि ब्यबस्था भित्रको बिकृती , बिसङ्गती , असमानता, भस्ट्राचार , कालो बजारीको बिरुद्ध अझ शसक्त भएर गरिब , पीडित , आवाजबिहिनहरुको पक्षमा आवाज उठाएर नेतृत्व र संबंधित पक्षलाई खबरदारी गर्न आग्रह गरौ । सहयोग गरौ । शभ्य, शालिन र थप जिम्मेवार भएर नेतृत्व र ब्यबस्थालाई amending ( सुधार ) गर्नको लागि आफ्नो कर्म गरिरहुन ।

यहि शुभेच्छा रहिरहोस ।

एक नारायण पौडैल
भमनपा वाड न १३
चितवन …

Related Articles

Back to top button
Close