Banner newsसमाचार

दम, मिर्गौला र मुटुरोगी नेपाली बढे

मधुमेहलगायतका रोग देखा परेको पाइएको छ। श्वासप्रश्वासपछि दीर्घ मिर्गौला रोगी, मधुमेह र मुटुरोग देखा परेको अध्ययनले देखाएको हो ।

नेपाल स्वास्थ्य अनुसन्धान परिषद्ले ३ वर्ष लगाएर नेपालका ७२ जिल्लामा अनुसन्धान गरेको थियो । परिषद्का अनुसन्धान प्रमुख डा. मेघनाथ धिमालले नसर्ने मुख्य रोगमध्ये सबैभन्दा बढी दीर्घ दमरोग देखिएको जानकारी दिए । धिमालका अनुसार दमपछि मधुमेह, दीर्घ मिर्गौला रोग र मुटुरोग पनि समस्याका रूपमा देखा परेका छन् ।

परिषद्ले बिहीबार पत्रकार सम्मेलन गरी सार्वजनिक गरेको अध्ययन प्रतिवेदनअनुसार सबैभन्दा बढी रोगी दमको भएको निष्कर्षसँगै तथ्याङ्क पनि दिइएको छ । प्राप्त तथ्याङ्कअनुसार २० वर्षदेखि ३९ वर्षसम्म छ दशमलव सात प्रतिशतमा दीर्घ दमरोग रहेको छ । यस्तै ४० देखि ५९ वर्ष समूहका मानिसमा १०.५ प्रतिशत जनसङ्ख्यामा दमरोग छ । ६० वर्षभन्दा माथिको जनसङ्ख्यामा भने २१.५ प्रतिशतमा दमरोग देखिएको छ । नेपालमा मधुमेहका रोगी पनि बढेका छन् ।

परिषद्का अध्यक्ष प्रा.डा. अञ्जनीकुमार झाले ८.५ प्रतिशत जनसङ्ख्यामा मधुमेह (चिनीरोग) देखिएको बताए । परिषद्का अनुसार नेपालमा मिर्गौला रोगी पनि बढेका छन् । तथ्याङ्कअनुसार पुरुषमा ६.५ प्रतिशत र महिलामा ५.७ प्रतिशत दीर्घ मिर्गौला रोगका बिरामी देखिएका छन् ।

मिर्गौलाका रोगी सबैभन्दा बढी गण्डकी प्रदेशमा ६‍.८ प्रतिशत छन् । प्रदेश २ मा ६.७ प्रतिशत मिर्गौला रोगी छन् । मिर्गौला रोगी सहरमा ६.५ र ग्रामीण क्षेत्रमा ५.६ प्रतिशत छन् ।

Related Articles

Back to top button
Close