समाचार

रवि छुटेलगत्तै धुर्मुसले लेखे- अन्ततः सत्य र न्यायको जीत भयो

काठमाडौं- शालिकराम पुडासैनी प्रकरणमा मछिएका पत्रकार रवि लामिछाने अदालतवाट धरौटीमा रिहा भएपछि हाँस्य कलाकार तथा सामाजिक अभियन्ता सिताराम कट्टेल धुर्मुसले खुसी व्यक्त गरेका छन् ।

उनले सामाजिक सञ्जाल फेसवुकमा पोष्ट गर्दै खुशी व्यक्त गरेका हुन् । चितवन जिल्ला अदालतवाट लामिछाने धरौटीमा रिहा भएको खबर बाहिरीएपछि धुर्मुसले सामाजिक सञ्जालमा सत्यको सँधै जित हुने कुरा प्रमाणीत भएको अभिब्यक्ति दिएका छन् ।

उनले सामाजिक सञ्जालमा लेखेका छन्, “अन्ततः सत्य र न्यायको जीत सदैव सुनिश्चित भएझैं भएको छ । देश भ्रष्टाचारमुक्त बन्नु पर्छ, कानुनी राज्य, विधीको शासन हुनुपर्छ । जीत सदैव नेपाल र नेपालीको हुनैपर्छ ।”

उने फेसबुकमा लेखेका छन्- “आज एकपटक फेरि सत्य र न्यायप्रेमी नेपालीले जितेका छन् । अन्याय, अत्याचार, भ्रष्टाचार, अनियमितताका विरुद्ध तथा गरिब दुःखीको लागि न्यायको आवाज बोल्दै आउनुभएको आदरणीय रवि दाई आज झन् दर्विलो शाहसका साथ आम जनताकाबीच आउनुभएको छ ।”

लामिछाने हिरासतमा परेलगत्तै उनले पूर्ण आत्मविश्वासका साथ प्रशासनलाई अनुसन्धानमा पूर्ण सहयोग गर्छु भनेर बताएको भन्दै धुर्मुसले सोही प्रतिबद्धताको प्रशासन र न्यायालयले पनि सम्मान गरेको अनुभूति गरेको उल्लेख गरेका छन् । “यो जीतले समग्र न्याय क्षेत्रमा काम गर्ने अभियन्ता र सत्यका लागि साथ दिने समग्र शुभचिन्तकको जीत भएको छ । रवि दाई, तपाईंको यो जितले मलाई पनि यो देशका लागि सत्य र न्यायको बाटोमा कत्ति पनि नडगमाई काम गर्न थप उर्जा मिलेको छ ।जय देश, जय नेपाल ।” धुर्मुसले गरेके फेसबुक पोष्टमा लेखिएको छ ।

Related Articles

Back to top button