समाचार

रुकुम घटनाका घाइते भन्छन्आखाअगाडि मारेर भेरीमा फालेको दृश्य फनफनी घुमीरहन

जाजरकोट,असार १-जिल्लाको भेरी नगरपालिका–४ का सुदीप खड्काको शरीरको चोट बिस्तारै ठिक हुँदैछ । तर, घटनाको पीडा र त्रास भने बढ्दो छ । बेलाबेला त्यही घटना सम्झेर झस्किन्छन्, अनि तर्सिन्छन् पनि ।
भेरी नगरपालिकाका नवराज विकसहित ६ जनाको ज्यान जाने गरी गत जेठ १० गते रुकुमको चोरजहारमा भएको घटनाका घाइते हुन् सुदीप । सुदीपसहित १२ जनाले बल्लतल्ल ज्यान जोगाए ।

तर उनीहरुलाई मरणासन्न हुनेगरी कुटिएको थियो । गाउँलेले चिर्पट, हँसिया, ढुंगाले हान्दाहान्दै सुदीपलाई प्रहरीले समातेर मिसन अस्पताल लगेको थियो ।यो समाचार आजको अन्नपूर्ण पोस्ट् दैनिकमा राजेन्द्र कार्कीले लेखेका छन् ।
बेलाबेला उनलाई त्यही नवराज लगायतकाा साथीले ‘बचाउ बचाउ’ भनेको आवाज गुञ्जिरहन्छ । ‘मेरो आँखाअगाडि मारेर भेरीमा फालेको दृश्य फनफनी घुमीरहन्छ ।’सुदीप मात्र होइन, घटनामा बाँच्न सफल १२ जनाको अवस्था यतिबेला असामान्य छ । प्रायः सबै घाइतेलाई मानसिक तनावमा छन् ।

Related Articles

Back to top button
Close