समाचार

सत्य र न्यायकाे पक्षामा बाेल्नेहरूकाे अवस्था सञ्चारकर्मी रवि लामिछानेकाे जस्तै हुने भन्दै नायक निखित उप्रेतीले पोखे राजनीतिक पार्टी र सरकारप्रति आक्रोश !

आज राजधानीमा आयोति कार्यक्रमलाई सम्बोधन गर्दै नायक निखित उप्रेतीले राजनीतिक पार्टी र सरकारप्रति आक्रोश पोखेका छन् । उनले सत्य र न्यायकाे पक्षामा बाेल्नेहरूकाे अवस्था सञ्चारकर्मी रवि लामिछानेकाे जस्तै हुने बताएका छन् । उनले प्रश्न गरे- ‘आज हामी सबैले राजनीति पर्टीकाे झन्डा ओढ्न जरुरी छ र ? राजनीति पर्टीकाे झन्डा ओढेको मान्छेले बोलेको मात्रै सही हुन्छ ? सही सावित गर्नलाई एउटा न एउटा राजनीतिक पार्टीको झन्डा ओढ्नै पर्छ ? विशुद्ध नेपालको झन्डामुनि बसेका कसैले सत्य बोल्न खोज्यो भने कुरा रविजीको मात्रै होइन तपाईँकाे पनि यहीँ अवस्था हुन सक्छ ।’

कुनै व्यक्ति न्याय लागि लागे भने रविकाे जस्तै अवस्था हुने बताउँदै भने, ‘जसले अपराध गरेको हुन्छ उनीहरू डराउँछन्, उनलाई आफ्नो सत्ता व्यवस्था सारा गुमाउनु पर्ने हुन्छ ।’ उनले रविकाे लागि चाँडै सबै एकजुट हुन आग्रह समेत गरे । उनले भने, ‘हामीले रविजीको सर्पोट गरौँ, हुन त यहाँ सही व्यक्ति र कुनै पनि पार्टीमा नलागेको व्यक्तिलाई अप्ठ्यारो छ, कानूनले सही तरिकाले नियर्ण गरोस्, रविको सत्य कुरा पनि जनता भएको ठाउँमा पुगोस् ।’

हामीले भाेट दिएर सत्तामा पुर्याएका व्यक्तिले नै हामीलाई धोका दिइरहको पनि बताएका छन् । उनले हामी बाठाे हुन मात्रै खाेजेकाे तर मेहनति र सच्चा बन्न कहिल्यै पनि नखाेजेकाे बतएका छन् । बाठो बनेकै आधारमा हामीले चुने पनि शक्ति केन्द्रित भएर मान्छे आफू शक्तिशाली हुँदै जाने समेत बताए । उनले यहाँ ध्रुवसत्य भन्ने चिज नै नभएकाे पनि बताए । ‘यहाँ ध्रुवसत्यको कुरा गर्‍यौ भने एउटा पार्टीले भन्दिन्छ कुन चाहिँ ध्रुवको कुरा गनुभयो, यदि कमरेड ध्रुवको कुरा गर्नुभयो भने हामी मान्छौँ नत्र कुरा नराख्नुहोस्, अब ध्रुवसत्यलाई पनि पार्टीगत रूपमा लग्यौँ भने मात्रै त्यो सत्य हुन्छ’, उनले भने ।

राज्य नै राजनीतिक पार्टीभित्रकाे डर र त्रसमा चलिरहेकाे पनि बताएका छन् । शक्तिलाई केन्द्र बनाएर बसेको राजनीति पार्टीको लागि कसैले राम्राे काम गर्याे भने उसका लागि त्यो सैतेनि व्यवहार हुने पनि बताए । उनले कानूनमा लेखिएको कुरालाई व्याख्या गर्ने व्यक्ति नै गलत भएकाे भन्दै आक्रोश ब्यक्त गरे । उनले भने, ‘कानूनमा जे लेखिए पनि त्यसलाई परिचाल गर्ने मान्छे त्यो ठाउँमा बसेका छन् भने कानूनले कसरी काम गर्ने गर्छ ? यो हामीले सोच्नु पर्ने कुरा हो ।’ उनले भने, ‘हामीले नेपाली झन्डाको मुनि बसेर काम गरौँ, यहाँ नेपालकाे झन्डा भन्दा अरू नै झन्डा बलियाे भयाे, यो अवस्थाबाट रविजीलाई मात्रै होइन हामीलाई पनि आउन सक्छ ।’

सत्य पार्टीले आफ्नो गोजीमा राखेर हिँडिरहेकाे आराेप समेत लगाएका छन् । ‘पार्टीबाट स्टाम लागेपछि मात्रै मानवता हुन्छ ? सत्य भन्ने चिज त हरेक पार्टीले आफ्नो गोजीमा राखेर हिँडिरहेका छन् ।’ उनले भने, ‘सूर्य पूर्ववाट उदाउँछ भने भन्याे पनि यहाँ मानिँदैन, अर्का पार्टीले त्यो पार्टीले पूर्वबाट उदाउँछ भनेर हुन्छ, दुई इन्ज कम छ भनिदिन सक्छ ।’

यो पनि पढ्नुस – विराटनगरबाट ४१ किलोमिटरको दूरीमा रहेको धरानस्थित पिण्डेश्वर धाम पर्यटकीय गन्तव्य बन्दै गएको छ । यहाँ आन्तरिक र बाह्य पर्यटकको आगमन बढ्दै गएको छ ।पिण्डेश्वर धाममा पूजापाठ गर्न र घुम्न आउनेको घुइँचो लाग्ने गरेको छ । पिण्डेश्वर महादेवको मन्दिर धरान उपमहानगरपालिका–१४ विजयपुरमा अवस्थित छ । यहाँको प्राकृतिक वातावरणले पर्यटकलाई आनन्दित तुल्याउने गरेको छ । पिण्डेश्वरमा अरु बेलाभन्दा साउनमा अत्यधिक भीड लाग्ने गरेको छ । भक्तजनले यहाँ पूजापाठसँगै जल चढाउने गरेका छन् ।

उक्त मन्दिर गुठी संस्थानअन्तर्गत सञ्चालित रहेको मन्दिरका पुजारी विनोद पोखरेलले बताउनुभयो ।पिण्डेश्वर मन्दिरको महिमा नेपालका अन्य शिव मन्दिरहरुकाे तुलना फरक र महत्वपूर्ण छ । हरेक मन्दिरको आफ्नै विशेषता र महत्व हुने गर्दछ । मध्यकालिन कला कैशलको नमुना देख्न सकिने धरानको विजयपुरमा अवस्थित पिण्डेश्वर बाबा धामको पनि आफ्नै किसिमको विशेषता र महत्व छ । यहाँ प्रत्येक वर्ष (बर्ष भरिमा) करिव ७ देखि ८ लाखको हाराहारीमा भक्तजनहरु श्रद्धा पूर्वक भक्ती भावले पुजा आरधना गर्न आउछन् । जस मध्य करिव ५ लाखको हारहारीमा श्रावण महिनामा शिवलाई जल चढाउन आउने गर्दछन् ।

स्कन्दपुराणको हिमवत्खण्ड अन्तरगत रुद्राक्षण माहात्म्यले पिण्डेश्वर बाबा धामको उत्पतिको बारेमा वर्णन गरेको छ । पिण्डेश्वर परिसरलाई रुद्राक्षका वनको रुपमा उल्लेख गरेको छ । त्यस्तै समुन्द्र मंथन गर्ने क्रममा विभिन्न बस्तुहरु निस्किए, साथै अमृत पनि ति बस्तुहरुलाई छानेर अमृत निकाली सकेपछि बाँकी रहेका बिकार यूक्त बस्तु अथवा छोक्राको पिण्ड बनाई यस स्थानमा देवताहरुले पुजा गर्ने गरेको बताइएको छ । संसारको जुनकुनै कुनामा यदि रुद्राक्षको माला फल प्राप्ती गर्ने उदेश्यले लगाइन्छ भने उक्त रुद्राक्षकोमाला पिण्डेश्वर बाबा धाममा ल्याई विधिवतरुपमा मन्त्र उच्चारण गरिनु पर्छ भन्ने धार्मिक विश्वास रहेको छ ।

यहाँ तिर्थालुहरु, सु स्वास्थ, दिर्घायू, सन्तान प्राप्ती, कर्मफल प्राप्तीलगायत रोजगार,व्यापारमा सफलताको मनोकामना पुरा हुने विश्वासका साथ पश्चिम नेपालदेखि भारतका विभिन्न ठाउँहबाट आउने गर्दछन् । बिगतमा यस भेगमा बारम्बर र चितम्बर नाम गरेका दुई चमत्कारी बाबाहरु बस्नेगरेको यहाँका जानकारहरु बताउछन् । उनीहरु शिव भक्त, गुरु शिश्य भएको तथा पिण्डेश्वर परिसरमा बस्ने र यहि पुजा गर्ने गरेका कारण उनीहरुको मृत्यु पश्यात, मन्दिर परिसर भित्रनै अन्तश्ठी गरी शिव लिङ्ग स्थापना गरि उनीहरुको समाधि निमार्ण गरेको छ ।

यस मन्दिरमा मध्यकाली कला कैशलका नमुनाहरु रहेका कारण पिण्डेश्वर बाबा धामको ख्याती मध्यकालमा पनि रहेको जाेकोहिले पनि सहजै बुझ्न सक्छ । मन्दिरको दक्षिणी भेगमा पिण्डेश्वर भगवानको मन्दिर रहेको छ । त्यस्तै गणेश अस्टभुजा लगायतका मन्दिर हरु रहेको छ । त्यस्तै मुल मन्दिरको बाहिर हनुमान, सरस्वती तथा सन्तोसीमाताको पनि मन्दिर रहेको छ ।यस पिण्डेश्वर क्षेत्र भित्र सरस्वती कुण्ड, र संस्कृत अध्यापन हुने पिण्डेश्वर क्याम्पस रहेका छन् । ऐतिहासिक, धार्मिक र संस्कृतीक दृष्टिले पिण्डेश्वर पूर्वको एक महत्वपूर्ण स्थलको मानिन्छ ।

पिण्डेश्वरमा कात्तिक मेलामा वराहक्षेत्र आउने साधुसन्तका लागि हन्डीको व्ययावस्था गरिएको हुदा यसको सम्बन्ध वराहक्षेत्रसंग पनि रहेको मानिन्छ, तथापि प्रत्येक १२ वर्षमा चतरामा लाग्ने महा कुम्भ मेलाको घडाको स्थापना यसै मन्दिरमा थापिएकोले र पिण्डेश्वर मन्दिरमा रहेको अखण्ड ज्योती निभेसको आगो निभ्दा रामधुनीबाट आगो ल्याएर वाल्नुपर्ने र रामधुनीको आगो मर्दा याहाँबाट लगेर सल्काउनु पर्ने प्रचलन रहेकोले पिण्डेश्वर बाबा धामको सम्बन्ध यी मन्दिरहरुसंग पनि रहेको छ ।यस धाममा बाला चर्तुदशी, शिवरात्री र तिजमा मेला लाग्ने गर्दछ ।

पिण्डेश्वर बाबा धाम समितिका अध्यक्ष विकास बनेपाली भन्छन् कोशी र कोकोह को तटको यो हरि हर क्षेत्र पुर्वको एक महत्व पुर्ण क्षेत्र हो यसको सम्रक्षण र प्रर्वधन गर्नु सम्पुर्णको दायित्व हो करिव २ घण्टाको दुरिमा रहेका यि धार्मिक स्थलको उचित संरक्षण गर्नु हरेकको दायित्व हो । हाम्रो संस्कृती नै हाम्रो पहिचान भएकाले यसको संरक्षण गर्नाले आफ्नो पहिचानको संरक्षण हुनेछ ।“सन्तान प्राप्ति होस् भनेर आउनेको सङ्ख्या धेरै छ”, उहाँले भन्नुभयो । पछिल्लो समय पिण्डेश्वरमा बाह्य पर्यटकसमेत घुम्न आउन थालेका छन् । यहाँ पूजाआजा गर्दा मनोकामना पूरा हुने जनविश्वास रहेको छ ।

गत सोमबारसम्म झण्डै ८० हजार भक्तजनले पिण्डेश्वरको दर्शन गरेको पुजारी पोखरेलले जानकारी दिनुभयो ।“मन्दिरको भित्री भाग जीर्ण बन्दै गएको छ । मन्दिरको कलाकृति पनि लोप हँुदै गएको छ”, उहाँले भन्नुभयो । भवन जीर्ण हुँदा डराइडराइ बस्नुपरेको पोखरेल बताउनुहुन्छ । मन्दिरबारे स्थानीय तहले ध्यान नदिएको उहाँको गुनासो छ । मन्दिर परिसरमा स्थानीयवासीले फूलपाती र प्रसादको व्यापार गर्दै आएका छन् ।सुनसरीको दुहबीबाट पूजा गर्न आउनुभएकी सपना चौधरी आफू हरेक वर्ष साउनमा पिण्डेश्वरमा भगवान् शिवको पूजा गर्न आउने गरेको बताउनुहुन्छ ।

उहाँ यहाँ गाईको दूध चढाउन आउनुहुन्छ । “पहिलाभन्दा मन्दिर वरपर फोहर बढेको छ, शौचालय व्यवस्थित गर्न सकेका छैनन््”, चौधरीले भन्नुभयो । यस्तै विराटनगरबाट पूजा गर्न आउनुभएकी गीता कार्की आफ्नो लागि साउन महीना खास रहेको बताउनुहुन्छ ।साउनमै आफूलाई छोरी प्राप्ति भएकाले पिण्डेश्वर धाम आउने गरेको उहाँले बताउनुभयो । साउनमा माछा मासु नखाई भक्तजन पिण्डेश्वरमा पूजापाठ गर्न आउने गरेका छन् ।सुनसरीको खनारका दीपक थापा बेलाबेलामा परिवार र साथीभाइसँग पिण्डेश्वर आउने गरेको बताउनुहुन्छ ।

उहाँले यहाँ घुम्न आउनेका लागि पानी र शौचालयको राम्रो प्रबन्ध गर्नुपर्नेमा जोड दिनुभयो । मन्दिरमा भेटिनुभएकी विराटनगरकी सुष्मा पराजुली बर्सेनी पिण्डेश्वर धाममा आउने गरेको बताउनुहुन्छ । “यहाँको दर्शन गर्दा मन आनन्दित हुन्छ, इच्छयाएको कुरा प्राप्त हुन्छ”, उहाँले भन्नुभयो । मन्दिर छेउमै ‘सरस्वती स्वभर पोखरी’ रहेको छ । सो क्षेत्रको संरक्षण भने हुन सकेको छैन ।

Related Articles

Back to top button
Close