समाचार

माटोको ढिस्कोले पुरिए जाजरकोटमा श्रीमान – श्रीमतीकै मृत्यु

जाजरकोट – स्वास्थ्यचौकीको भवन निर्माणका लागि बालुवा निकाल्ने क्रममा जाजरकोटको नलगाड नगरपालिका–९ तात्रका एक दम्पतीको मृत्यु भएको छ ।

बालुवा निकाल्ने क्रममा ३३ वर्षीया कुमारी सिंहको घटनास्थलमै मृत्यु भएको हो भने उनका श्रीमान् ३५ वर्षीय एकराज सिंहलाई उपचारका लागि नेपालगञ्ज लैजाँदै गर्दा बुधबार बिहान भेरी नगरपालिका–१ को रावतगाउँमा मृत्यु भएको जनाइएको छ ।

सिंह दम्पतीसहित खिरखिरेमा बालुवा निकालिरहेका सोही गाउँका कमला सिंह, तारा सिंह, लक्ष्मी सिंह र तारा सिंहको अहिले नलगाड नगरपालिकाको प्रशासकीय केन्द्र दल्लीमास्थित स्वास्थ्यचौकीमा उपचार भइरहेको छ ।

Related Articles

Back to top button
Close