भिडियो

लकडाउनको ६२ औं दिन, एयरपोर्टमा सबैभन्दा ठूलो भीड ( भिडियो)

काठमाडौं । कोरोना भाइरस रोकथामका लागि जारी लकडाउनको ६२ औं दिन । २ महिना सुनसान रहेको त्रिभूवन अन्तर्राष्टिय विमानस्थलमा आइतबार ठूलो भीड थियो । यात्रीहरु विमानस्थल प्रवेशका लागि सरसमानसहित लाइन लागेर बसेका थिए । कोरोना भाइरसको संक्रमणबाट जोगिन ब्यक्तिगत दुरी कायम गर्नुपर्ने भएपनि यात्रीहरु ठेलमठेलको अवस्थामा थिए ।

एयरपोर्टमा जम्मा भएका यात्रीहरुमध्ये एउटा समूह जापान जाँदै थियो भने अर्को टोली अमेरिका जाँदै थियो । एक ट्राभल एजेन्सीले व्यवस्था गरेको चार्टड विमानमार्फत उनीहरु ती देशतर्फ जाँदै थिए । अमेरिका अहिले कोरोना भाइरस संक्रमणको केन्द्र बनेको छ । त्यहाँ झन्डै १७ लाख हाराहारी संक्रमित छन् भने मृत्यु संख्या १ लाख नजिक पुगेको छ ।

यता जापानमा भने साढे १६ हजार संक्रमित भएकोमा अहिले त्यहाँ साढे २ हजार हाराहारी संक्रमितको संख्या छ भने ८ सय जनाले ज्यान गुमाएका छन् । त्रिभुवन अन्तर्राष्ट्रिय विमानस्थलमा आइपुगेका यात्रीहरु त्रासका बीच अमेरिका प्रस्थान गर्दै थिए । विदाईका लागि पुगेका उनीहरुका आफन्त मन बुझाइरहेका थिए ।
भिडियो हेर्नुहोस:

Related Articles

Back to top button
Close