समाचार

‘अघोरी बाबा’की श्रीमती ५ दिन प्रहरी हिरासतमै रहने

काठमाडौं– सामाजिक सञ्जालमा ‘अघोरी बाबा’को रुपमा चर्चित विजय केसीकी ‘श्रीमती’ शारदा पाण्डेमाथि अनुसन्धान गर्न अदालतले ५ दिनको म्याद थप गरेको छ ।

पाण्डेविरुद्ध ७५ लाख रुपैयाँ ठगी गरेको भन्दै चितवन घर भएकी एक महिलाले महानगरीय प्रहरी बृत्त बौद्धमा उजुरी दिएकी थिइन् ।

ठगीको उजुरी परेपछि प्रहरीले अघोरी बाबा भिनने विजय केसी र उनकी श्रीमती शारदालाई कार्यालयमा बोलाएको थियो ।

शुरुमा ‘छलफल’कै माध्यमबाट विवाद टुंग्याउने प्रयास गरिएपनि पीडित भनिएकी महिलाले नमानेपछि पाण्डेलाई हिरासतमा राखिएको थियो ।

सोमबार पक्राउ परेकी पाण्डेलाई थप अनुसन्धानका लागि म्याद थप गर्न मंगलबार जिल्ला अदालत काठमाडौंमा उपस्थित गराइएको थियो ।

अदालतले पाण्डेमाथि अनुसन्धान गर्न ५ दिनको म्याद दिएको महानगरीय प्रहरी बृत्त बोद्धका प्रमुख प्रहरी नायव उपरीक्षक (डिएसपी) रमेश बहादुर सिंहले जानकारी दिए ।

Loading...

Related Articles

Back to top button
Close