खेलकुद

नेइमार बार्सिलोनालाई बेच्न पिएसजी तयार, यी दुई खेलाडीसँगै १०० मिलियन युरो माग्यो

काठमाडौं। फ्रान्सको लिग वन च्याम्पियन पिएसजीले स्पेनको ला लिगा च्याम्पियन बार्सिलोनालाई आफ्ना स्टार खेलाडी नेइमार दिन तयार भएको छ । यसको लागि उसले बार्सिलोनाँग दुई खेलाडीँगै १०० मिलियन युरो मागेको छ । बार्सिलोनाका अधिकारीहरु अहिले यस विषयमा छलफलको लागि फ्रान्समा छन् । यही मौकामा पिएसजीले आफ्नो माग बताएको हो ।

ले पेरिसियनलाई उद्धृत गर्दै स्पेनिस मिडिया मार्काले लेखेअनुसार पिएसजीले बार्सिलोनासँग नेइमारको बदलामा खेलाडीहरु नेल्सन सेमेन्डो र उस्माने डेम्बेलेको साथमा सय मिलियन युरो पनि मागेको छ । अर्को फ्रेन्च मिडिया आरएसीवनका अनुसार यी दुई क्लवका पदाधिकारीबीच आज यस विषयमा छलफल हुने कार्यक्रम छ । आज यस विषयमा बार्सिलोना र पिएसजीबीच निर्णायक दिन हुने अपेक्षा गरिएको छ ।

पिएसजीले नेइमारको मूल्य २५० देखि ३०० मिलियन युरोको बीचमा हुने मूल्यांकन गरेको छ र उसले आफूले मागेका २ खेलाडीको मूल्य १५० देखि २०० मिलियन युरो हुने मूल्यांकन गरेको छ । डेम्बेले र सेमेन्डोले यो सिजन क्लव छाड्ने कुनै तयारी थिएन तर र्बािलोनाले पछिल्लो समय डेम्बेलेमाथि भरोसा गर्न कम गरेको छ । सेमेन्डो अर्नेष्टो भालभर्देको नेतृत्वमा अनटचेबल मानिन्छन् तर यदि उनी गइहाले भने भालभर्देले उनको ठाउँमा राइट ब्याकमा मोउसा वाग वा सर्जी रोबर्टोलाई उतार्न सक्छन् ।

Related Articles

Back to top button
Close