समाचार

भरतपुरको चौविसकोठीमा प्रदर्शनकारी र प्रहरीबीच झडप, केही प्रदर्शनकारी नियन्त्रणमा

काठमाडौं, २ भदौ । सोमवार पनि चितवनमा प्रहरी र प्रदर्शनकारीबीच झडप भएको छ । नुवाकोटका पत्रकार शालिकराम पुडासैनीको प्रकरणमा पक्राउ परेका न्यू २४ का कार्यक्रम प्रस्तोता रवि लामिछानेको समर्थकहरुले आज पनि भरतपुरमा प्रदर्शन गरिरहेका छन् । प्रर्दशनका क्रममा निषेधाज्ञा जारी गरेको क्षेत्रमा प्रर्दशनकारी प्रवेश गर्न खोजेपछि झडप भएको छ । केही प्रदर्शनकारीलाई प्रहरीले नियन्त्रणमा लिएको छ । जिल्ला प्रशासन कार्यालय, चितवनले भरतपुरको चौबीसकोठीदेखि मालपोतचोकसम्म आइतवार देखि नै लागू हुने गरी निषेधित क्षेत्र घोषणा गरेको छ । दिनहुँ प्रर्दशन र नारावाजी हुन थालेपछि प्रशासनले यी क्षेत्रलाई निषेधित घोषणा गरेको हो ।

जिल्ला प्रहरी कार्यालय, चितवनका डीएसपी दीपेन्द्र शाहले प्रर्दशन र नारावाजीले कामकाजमा बाधा परेकाले भरतपुरको चौबीसकोठीदेखि मालपोतचोकसम्मका क्षेत्रमा प्रर्दशनमा रोक लगाइएको जानकारी दिए । निषेधित क्षेत्रमा अस्पताल, सरकारी कार्यालय, अदालतजस्ता सम्वेदनशील निकायहरू छन् । दिनहुँ प्रदर्शन जारी रहेपछि सर्वदलित वैठकले दिएको निर्देशन र निर्णय अनुसार प्रहरीले आजदेखि जिल्लाको सुरक्षा व्यवस्था थप कडा बनाइएको छ ।

रवि लामिछानेलगायतका सञ्चारकर्मी पक्राउको विषयलाई लिएर पक्ष र विपक्षमा नाराबाजी हुन थालेपछि त्यहाँ क्रियाशील राजनीतिक दलहरूले आइतबार सहयोग गर्ने सहमति गरेका हुन् । दलहरूले घटनाबारे निष्पक्ष छानविनका लागि सहयोग गर्न र शान्तिपूर्ण प्रर्दशन गर्न आग्रह गरेका छन् । निशेधित क्षेत्रमा प्रदर्शन गर्न खोजेका कारण नियन्त्रणमा लिइएको प्रहरीले जनाएको छ । प्रहरीले अन्य जिल्लावाट चितवनमा पुगेर नारावाजी र प्रदर्शनमा सहभागी भएकाहरुलाई जिल्ला छोड्न समेत चेतावनी दिएको छ ।

यो पनि पढ्नुहोस : सरकारको नेतृत्व फेरिन्छः प्रचण्ड
जनकपुर– सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले आन्तरिक सम्झौता अनुसार सरकारको नेतृत्व फेरिने बताएका छन्। सोमबार जनकपुरमा सञ्चारकर्मीसँग कुरा गर्दै दाहालले केपी ओलीसँग भएको आन्तरिक सम्झौता अनुसार सरकारको नेतृत्व फेरिने बताएका हुन्। नेकपा नेतृत्वको सरकार पाँच वर्ष चल्ने विषयमा कुनै शंका नगर्न सञ्चारकर्मीलाई आग्रह गरेका छन्।

एमाले–माओवादी एकतापछि पार्टीलाई सुदृढ बनाएर अघि बढ्नुको विकल्प नरहेको बताएका छन्। दाहालले पार्टी एकीकरण गर्न नहुने आशयको अभिव्यक्ति दिएको भोलिपल्ट भने, ‘मेरो भनाइलाई अतिरञ्जित बनाएर समाचार बनाइएको हो। ‘पुरानो एमाले र माओवादी अब एउटै पार्टी भइसकेको छ, एकीकृत पार्टीको म अध्यक्ष हो। यो पार्टीलाई सुदृढ बनाएर अघि बढ्नुको विकल्प छैन।’

सुखी नेपाली, समृद्ध नेपाल निर्माण अभियानमा सरकार अघि बढिरहेको जिकिर गर्दै दाहालले भने, ‘एक वर्षको कामलाई समिक्षा गर्दै हामी अघि बढ्ने योजनामा छौं।’

Related Articles

Back to top button
Close