समाचार

बिहार डुब्न थालेपछि कोशी ब्यारेजको चाबी बोकेको भारतले ढोका थुन्यो : अब नेपाल डुब्ने खतरा

विराटनगर । लगातार परेको पानीले सप्तकोशीमा पानीको बहाव उच्च भएको छ । एक लाख ५० हजार क्यूसेक पानीको मापनपछि खतरा मानिने आज अपराह्न २ः०० बजेको मापनअनुसार दुई लाख ७४ हजार ६५ क्यूसेक पानीको बहाव रहेको कोशी ब्यारेजमा रहेका प्रहरी सहायक निरीक्षक ईश्वरी दाहालले जानकारी दिए ।

अहिले ५६ ढोकामध्ये ३६ ढोका खोलिएका छन् । भारतको बिहार जलमग्न भएपछि भारतले ढोका बन्द गर्न दबाब दिइरहेको सशस्त्र प्रहरी निरीक्षक सुरेन्द्र भण्डारीले बताए । कोशी ब्यारेजको सुरक्षाका लागि भनेर भारतले त्यहाँ भारतिय सैनिक राखेको छ । कोशी ब्यारेजको अप्रेशन भारतकै अप्रेटरले गर्छन् । त्यसका ताला चाबी उनीहरुसँग नै छ । थप पानीको बहाव बढेकपनि अरु ढोका नखोलिने अडान भारतिय पक्षले राखेको छ ।

यदि यसो हुँदा सुनसरी मोरङ्ग, झापा, सिराहा, सप्तरी लगायतका अधिकांश डुबानमा पर्ने खतरा रहेको छ । वर्षा निरन्तर जारी रहेकाले सप्तकोशीमा पानीको बहाव थप बढ्न सक्ने भन्दै प्रशासनले कोशी नदीका तटीय क्षेत्रका बासिन्दालाई सतर्क अवस्थामा रहन अपिल गरेको छ ।

यसैबीच आज प्रदेश नं १ का आन्तरिक मामिला तथा कानूनमन्त्री हिक्मत कार्कीले कोशी ब्यारेज तथा सुनसरीका बाढी प्रभावित क्षेत्रको अवलोकन गरेका थिए ।

Related Articles

Back to top button
Close